Հեռախոսազանգ ես ստանում քո բանկի հեռախոսահամարին շատ նման համարից՝

-   Ալո՝ Ձեր բանկից է, այս պահին Ձեր անունով վարկ է ձևակերպվում, արդյոք Դո՞ւք եք:

-   Ոչ։

-   Հիմա Ձեզ կոդ կուղարկենք, շտապ հաստատեք, որ Դուք չեք, որպեսզի գործարքը մերժենք: Տվե՛ք նաև Ձեր անձնագրի տվյալները։

Խուճապի մատնելով և շտապեցնելով՝ խարդախներն անձնական տվյալներ են կորզում կամ մղում են ինչ-որ գործողություններ կատարելու՝ քո անունով գործարք իրականացնելու համար:

Այսպիսի կեղծ զանգեր կարող ես ստանալ նաև իբր նախարարություններից ու այլ պետական կառույցներից:

Հիշի՛ր, որ պետական մարմինները և բանկերը երբեք չեն զանգահարում՝ հեռախոսով  անձնական տվյալներ ճշտելու համար: 

3 քայլ, հնարավորինս պաշտպանված լինելու համար

1. Անջատի՛ր զանգը։ Ի՛նքդ զանգահարիր բանկ պաշտոնական կայքում առկա համարով
2. Ոչ մեկին մի՛ տրամադրիր sms-ով ստացված կոդը, որևէ բան մի՛ հաստատիր։
3. Մի՛ վստահիր բանկի կամ պետական որևէ կառույցի անունից անձնական տվյալներ հարցնողներին։

Եղի՛ր զգոն, եղի՛ր բարեկեցիկ