Հաճախ ենք լսում՝ անձնական տվյալներդ անծանոթի աչքից հեռու պահիր՝ սկսած անուն ազգանունիցդ մինչև անձնագրային տվյալներ, մոբայլ բանկինգիդ մուտքանուն ու գաղտնաբառ: Սրանք այն տվյալներն են, որոնցով ուրիշը կարող է հանդես գալ քո անվան ներքո, գործարքներ անել և քեզ վնասներ հասցնել: 

Ինչպե՞ս խուսափես անձիդ գողությունից՝

• Ուժեղ գաղտնաբառեր սահմանիր սոց ցանցերում քո օգտահաշիվներիդ ու մոբայլ բանկինգիդ համար, հեռախոսիդ և այլն։ Նույն գաղտնաբառդ մի օգտագործիր մի քանի տեղ։
• Ապահովության համար տարին գոնե 1 անգամ փոխիր գաղտնաբառդ:
• Ուշադիր եղիր ցանկացած անծանոթի նամակին, զանգին կամ հաղորդագրությանը:​Մի՛ ասա և մի՛ ուղարկիր անձնական ու բանկային գաղտնի տվյալներ, օրինակ՝ անձնագիր, նույնականացման քարտ, CVV կոդ, Pin կոդ, մեկանգամյա գաղտնաբառ։

• Ուշադիր եղիր բանկիդ կողմից ամսվա վերջին քեզ տրամադրվող քաղվածքներին:: Եթե նկատես անհամապատասխանություն՝ կապ հաստատիր բանկիդ հետ:

Իսկ եթե այնուամենայնիվ անձնական տվյալներդ ոչ բարեխիղճ մարդկանց հասանելի են դարձել, ապա անմիջապես՝

• Փոխիր գաղտնաբառերդ
• Կապ հաստատիր բանկիդ հետ և բլոկավորիր հաշիվներդ
• Դիմիր ոստիկանություն
• Դիմիր անձնական տվյալների պաշտպանության գործակալություն

Պաշտպանիր անձնական տվյալներդ, պաշտպանիր քեզ, եղիր բարեկեցիկ: