Ֆինանսական համակարգի հաշտարարը անկախ մարմին է, որն անվճար, արդարացի ու անաչառ կերպով քննում ու լուծում է ֆինանսական կազմակերպությունների դեմ ներկայացված պահանջները[5] :

Դու կարող ես դիմել Ֆինանսական համակարգի հաշտարարին, եթե՝

●     ֆիզիկական անձ ես կամ միկրոձեռնարկատեր,

●     Ունես բողոք քեզ մատուցված ֆինանսական ծառայության կամ վարկային պատմության վերաբերյալ,

●     պահանջդ չի գերազանցում 10 միլիոն դրամը

●     Հաշտարարին կարող ես դիմել 6 ամսվա ընթացքում` սկսած այն օրվանից, երբ դիմել ես ֆինանսական կազմակերպությանն ու ստացել վերջնական գրավոր պատասխանը կամ էլ սահմանված ժամկետում վերջնական պատասխան չես ստացել:

Ի դեպ, եթե դեռ չես դիմել ֆինանսական կազմակերպությանը, Հաշտարարի գրասենյակի պահանջներն ընդունող խումբը կարող է աջակցել քեզ բողոքի կազմման հարցում։ 

●     Չմոռանաս, որ հաշտարին չես կարող դիմել, եթե քո բողոքը քննվում է դատարանում կամ արբիտրաժային տրիբունալում:

Հաշտարարին դիմելու համար դու կարող ես՝

●     Այցելել գրասենյակ, որի հասցեն է Մ. Խորենացի 15՝ «Էլիտ Պլազա» բիզնես կենտրոն՝ 7-րդ հարկ

●     Զանգահարել այս հեռախոսահամարով՝ (060) 70-11-11

●     Գրել այս էլ. փոստին՝ [email protected]

●     Լրացնել առցանց պահանջ-դիմում

●     Ուղարկել պահանջ-դիմումը փոստով

Հիշի՛ր՝ քո իրավունքները կարևոր են, իսկ Ֆինանսական համակարգի հաշտարարը կօգնի քեզ անվճար, արդար և անաչառ կերպով պաշտպանել դրանք:

Պաշտպանի՛ր իրավունքներդ, եղի՛ր բարեկեցիկ: