Բանկային հաշիվ կարող ես բացել թե’ բանկ գնալով, թե’ առցանց։ Այսօր հնարավոր է բանկային հաշիվ բացել` առանց տանից դուրս գալու․ պետք է ընդամենը մի քանի հեշտ քայլ անել։

• Ներբեռնում ես բանկի հավելվածը։
• Գրանցվում ես՝ լրացնելով անձնական տվյլալներդ՝ այդ թվում՝ անուն ազգանուն, էլեկտրոնային փոստի հասցե, անձը հաստատող փաստաթղթի տվյալներ, Հանրային ծառայությունների համարանիշ, այսինքն` սոցիալական քարտի համար։

Բանկը՝ վստահ լինելու համար, որ գործ ունի անձնական տվյալների իրական սեփականատիրոջ հետ, պահանջում է անցնել նույնականացում։ Դրա համար պետք է սելֆի անես, կամ պատասխանես քո տրամադրած հեռախոսահամարին արված վիդեոզանգին։ 

Իսկ հիմա, երբ գրանցված ես՝ արդեն կարող ես լրացնել բանկային հաշիվ բացելու դիմումդ։

Դիմում լրացնելիս քեզ տրամադրվում է ՏԵՂԵԿԱՏՎԱԿԱՆ ԱՄՓՈՓԱԳԻՐ, որտեղ նշված են բոլոր գործարքների վճարներն ու սակագները։ Այն ուշադիր ուսումնասիրելուց հետո կարող ես որոշում կայացնել՝ հաստատե՞լ դիմումդ, թե՞ ոչ։

Ունեցի՛ր բանկային հաշիվ։ Վայելի՛ր հնարավորություններդ։ Եղի՛ր բարեկեցիկ։