Եկե՛ք միասին դիտարկենք քարտի հետ կապված մի քանի կարևոր տվյալներ․  

1․ Քարտի համարը քարտի վրա նշված թվերն են։ Դա օգտագործվում է քարտից քարտ փոխանցումներ կատարելիս, քարտին գումար մուտք անելիս, առցանց գնումների ժամանակ, ինչպես նաև քարտը նույնականացնելիս։

2․ PIN կոդը չկա քարտի վրա, քանի որ այն պիտի իմանաս միայն դու և չպետք է իմանա ոստիկանը, հարևանը, անգամ բանկի աշխատակիցը։ PIN կոդը անհատական նույնականացման գաղտնաբառ է, որն անհրաժեշտ է բանկոմատից գումար կանխիկացնելու համար կամ ՀԴՄ սարքով գնում կատարելիս։

3․ CVV կոդը քարտի հետևի մասում նշված թիվն է, [ԱՄ5] որը կիրառվում է առցանց գործարքներ կատարելիս: CVV կոդը հավելյալ պաշտպանիչ միջոց է համացանցում խարդախություններից զերծ մնալու համար: CVV կոդը ևս պետք է գաղտնի պահել և չգրել այնպիսի կայքերում, որոնք վստահելի չեն:

Եթե մեկը իմանա քո քարտի վրայի թվերը, վավերականության ժամկետը, անուն ազգանունդ և CVV կոդը, կարող է քո անունից գնումներ կատարել և գումար գողանալ։ Իսկ եթե մեկը տիրանա քո քարտին, իմանա նաև PIN կոդդ, կարող է գումար կանխիկացնել, գնումներ կատարել։ Չպետք է գրել PIN-ը քարտի վրա կամ պահել քարտի հետ։

Պահպանի՛ր տվյալներդ, եղի՛ր բարեկեցիկ։