Վճարային տերմինալները հանդիպում են ամեն քայլափոխի։ Դրանցով կարող ես վճարել տարբեր ծառայությունների համար: Պատասխանենք ամենահաճախ տրվող հարցերին:

Գործարք կատարելիս կա՞ միջնորդավճար

 - Կարող է լինել կամ չլինել: Գործարք կատարելիս նախապես ստուգի՛ր՝ որքան միջնորդավճար է գանձվելու:

Եթե վճարային տերմինալով կատարել ես սխալ վճարում

-  Մոտեցի՛ր տվյալ վճարային կազմակերպության մասնաճյուղ կամ զանգահարի՛ր սպասարկման կենտրոն, աշխատակցին ներկայացրո՛ւ սխալ գործարքի կտրոնը և տեղեկացի՛ր՝ կարո՞ղ են ուղղել, թե ոչ: Կարող ես նաև էլ. նամակ ուղարկել և նշել սխալ վճարման գործարքի տվյալները:

 Եթե տերմինալը կտրոն չի տրամադրել

- Մի՛ հեռացիր սարքից և տերմինալի վրա նշված համարով զանգի՛ր վճարային կազմակերպությանը, վճարային կազմակերպությունը կարող է տվյալ տերմինալից հեռավար կերպով տպել անդորրագիրը կամ ուղարկել էլ. հասցեիդ։ Կարող ես նաև դիմել վճարային կազմակերպության ցանկացած մասնաճյուղ, նշել գործարքի տվյալները և ստանալ կտրոնի կրկնօրինակը:

Վճարային տերմինալը մանր վերադարձնո՞ւմ է

 - ՈՉ, չի վերադարձնում: Պարզապես վճարային տերմինալները մանրը հաշվելու և վերադարձնելու տեխնիկական հնարավորություն չունեն ։

Եղիր տեղեկացված, եղիր բարեկեցիկ։