Ժամանակցույցը վարկի մարման  գրաֆիկն է: Այն պարտադիր ներառվում է պայմանագրում և պարունակում է տեղեկատվություն մայր գումարի, տոկոսագումարների և այլ վճարների, դրանց ընդհանուր գումարի մասին, նաև մարումների օրվա, ամսաթվի ու տարվա մասին:

Շատ կարևոր է խստորեն հետևել վարկի ժամանակացույցին և չունենալ ուշացումներ, քանի որ մարման ժամանակացույցով սահմանված ժամկետներում պարտավորություններդ չկատարելու դեպքում վարկատուն պատասխանատվության միջոցներ կկիրառի, օրինակ՝ տույժեր ու տուգանքներ,  ինչպես նաև տվյալներդ կուղարկի վարկային բյուրո:

Իսկ եթե սպառողական կամ հիփոթեքային վարկի մայր գումարից վաղաժամկետ մարում ես իրականացրել կամ այլ հանգամանքներով պայմանավորված փոխվել է վարկի մարման ժամանակացույցը, ապա նոր ժամանակացույց ստանալու համար Դու իրավունք ունես դիմել վարկատուին: Վերջինս պարտավոր առավելագույնը 1 աշխատանքային օրվա ընթացքում անվճար քեզ տրամադրել այն՝ քո նախընտրած եղանակով, օրինակ՝ առձեռն կամ գործող էլեկտրոնային փոստով: Իսկ եթե նախընտրում ես փոստը, ապա վարկի մարման նոր ժամանակացույցը տրամադրվում է 3-5 աշխատանքային օրվա ընթացքում: Ի դեպ, վաղաժամկետ մարելիս, հստակեցրո՛ւ՝ դա կուղղվի հերթական մարմանը, թե՞ մայր գումարին։ Եթե ոչինչ չնշես, կուղղվի մայր գումարին։

​Այդ դեպքում, հաջորդ մարմանը չպետք է մոռանաս տոկոսները վճարելու մասին։

Հետևի՛ր վարկի մարման ժամանակցույցին, եղի՛ր բարեկեցիկ: