Վարկային պատմությունը կարևոր է վարկ ստանալիս, բայց կարևոր է նաև վարկային սքորը, որը քո վարկունակության թվային գնահատականն է։ Լավ վարկային պատմությունն ու վարկային սքորը նպաստում են ավելի ցածր տոկոսով կամ ավելի մեծ գումար ստանալուն։ 

Վարկային սքորդ բարելավելու համար՝ 

1.Պարտաճանաչ մարի՛ր պարտավորություններդ։ Մեկ օր ուշացումն էլ արտացոլվում է վարկային պատմությանդ մեջ և նվազեցնում է վարկային սքորդ։ Հաշվի' առ, որ փոխանցումով վարկը մարելիս կարող է ժամանակ պահանջվել մինչև գումարը հասնի։

2.Կառավարի՛ր փոխառություններիդ տեսակները․ վարկային բեռդ՝ վարկերիդ քանակը, գումարը և ժամկետները։ 

3.Հնարավորինս թեթևացրո՛ւ վարկային բեռդ։   Վարկի ամսական մարումը կամ երաշխավորության չափը չպետք է գերազանցի ամսական եկամտիդ կեսը։ Բայց վարկ չունենալը նույնքան վատ է, որքան շատ վարկ ունենալը։

4.Ծանրութեթև՛ արա երաշխավոր դառնալիս:

5.    Խուսափի՛ր վարկի փորձնական հարցումներից, քանի որ վարկային ամեն նոր դիմում ազդում է սքոր գնահատականիդ վրա։

1.  Ժամանակի'ն կատարիր վճարումներդ կապի օպերատորներին:  

7.    Գրանցվի՛ր acra.am կայքում, առնվազն տարին մեկ անգամ անվճար ծանոթացի՛ր քո վարկային պատմությանը։

Հետևի'ր այս պարզ քայլերին և դու կբարելավես քո վարկային պատմությունն ու սքորը։

Եղի՛ր բարեկեցիկ։