Գրավադրման փուլերը կարող են տարբեր լինել՝ կախված գրավի տեսակից և վարկավորման պայմաններից:

Սովորաբար գրավադրման պարտադիր փուլերը չորսն են՝

1. Անհրաժեշտ փաստաթղթերի ներկայացում գրավառուին
2. Գրավի գնահատում
3. Գրավի փոխանցում այն կողմին, որի մոտ պետք է պահվի գրավը
4. Պայմանագրի կնքում

Բացի դրանից, օրենքով նախատեսված լինելու դեպքում կամ կողմերից մեկի պահանջով կարող են լինել նաև․

1. Գրավի պայմանագրի նոտարական վավերացում
2. Գրավի իրավունքի պետական գրանցում
3. Գրավի ապահովագրություն:

Գործընթացն արագ է լինում ապառիկի և ավանդի գրավադրման դեպքում, քանի որ դրանց արժեքները նախապես հայտնի են։ Փոքր-ինչ երկար է ոսկու գրավադրումը, քանի որ անհրաժեշտ է գրավի գնահատում։

Հիփոթեքը կամ անշարժ գույքի գրավադրումը կարող է որոշ ժամանակ պահանջել, քանի որ այս դեպքում բոլոր 7 փուլերն էլ առկա են։ Իսկ մեքենայի գրավադրումը կախված է վարկատուի պայմաններից։ Այն կարող է ընդգրկել 4-7 փուլ։

Պատասխանատո՛ւ օգտագործիր գրավը, եղի՛ր բարեկեցիկ: