Դու գիտեի՞ր, որ կարող ես արդեն գրավադրված գույքդ գրավ դնել մեկ այլ պարտավորության համար։ Այո, դու ունես նման իրավունք և հնարավորություն, ու այն կոչվում է հաջորդող գրավ:

Օրինակ՝

2 մլն վարկի համար դու գրավ ես դրել քո 20 մլն արժողությամբ բնակարանը 1-ին վարկատուի մոտ, բայց հետագայում՝

1. անհրաժեշտություն է առաջացել լրացուցիչ 5մլն դրամի կամ
2. հանդիպել ես քո վարկի պայմաններից ավելի շահավետ պայմաններով վարկի․

Նման դեպքերում դու կարող ես քո բնակարանը որպես հաջորդող գրավ դնել 2-րդ վարկատուի մոտ և ստանալ պահանջվող վարկի գումարը:

Այսինքն՝ հաջորդող գրավի ինստիտուտը քեզ տալիս է հնարավորություն քո գրավադրված գույքը նորից գրավ դնել: Ավելին՝ գրավ դնել ինչպես քեզ համար, այնպես էլ այլ անձի օգտին:

Եվ հիշի՛ր՝ գրավառուն իրավունք չունի սահմանափակել գրավ դրված գույքը հաջորդող գրավ դարձնելու քո իրավունքը, արգելել կամ դրա համար պահանջել  որևէ վճար: