Վարկ ստանալիս քեզ տեղեկացնում են, որ վատ վարկային պատմություն ունես, բայց նման բան չկա՞։ Տեղեկանում ես, որ ուշացումներ ունես, բայց նման բան չե՞ս հիշում։ Կարող է սխա՞լ կա քո վարկային պատմության մեջ։ Այդ դեպքում՝

Եղի՛ր հետևողական

1․ Նախ ստուգի՛ր՝ իրո՞ք դա այդպես է։ Դրա համար ձե՛ռք բեր քո վարկային զեկույցը ԱՔՌԱ վարկային բյուրոյից։ Ի դեպ, դա կարող ես անել առցանց, իսկ տարին մեկ անգամ զեկույց ստանալն անվճար է։

2․ Սխալն ուղղելու համար գրավո՛ր դիմիր բանկին կամ վարկային կազմակերպությանը։ Դիմումը ներկայացնելու համար մանրամասները կարող ես կարդալ իրենց կայքում։ Բանկը կամ վարկային կազմակերպությունը պետք է քեզ պատասխանեն 15 աշխատանքային օրում։

3․ Եթե պատասխանը քեզ չգոհացնի, պատասխանը ստանալուց հետո 6 ամսվա ընթացքում կարող ես դիմել Ֆինանսական համակարգի հաշտարարին։

Հո՛գ տար վարկային պատմությանդ մասին, եղի՛ր հետևողական, եղի՛ր բարեկեցիկ: