Եթե կա վարկի դիմաց գրավադրված գույք, ապա այն պիտի մնա ապահով և անվնաս։ Գրավադրված գույքի ապահովության համար պատասխանատու է նա, ում մոտ գտնվում է գույքը։

Եթե գրավադրված գույքը մնում է քեզ մոտ

․ ապահովիր գրավի պահպանման համար անհրաժեշտ պայմաններ.

․ ապահովագրիր գրավադրված գույքը, որպեսզի ստանաս փոխհատուցում դրա կորելու կամ վնասվելու դեպքում.

․ վնասվելու կամ կորստի դեպքում տեղեկացրու վարկատուին։

Եթե գրավադրված գույքը գտնվում է կազմակերպության մոտ և այն վնասվել է կամ կորել, ապա վարկատուն պատասխանատվություն է կրում դրա համար․  

․ Ուստի՝ կարող ես պահանջել փոխհատուցում։ Եթե վարկատուն չբավարարի քո պահանջը, ապա կարող ես դիմել Ֆինանսական համակարգի հաշտարարին կամ դատարան:

․ Դու իրավունք ունես նաև պահանջելու գրավի վաղաժամկետ դադարեցում, դրա կորստի կամ վնասվածքի սպառնալիքի դեպքում:

Դու ու վարկատուն կարող եք ստուգել մյուս կողմի մոտ գտնվող գրավադրված գույքի առկայությունը, քանակը, վիճակը և պահպանման պայմանները:

Ապահովագրիր գրավադրված գույքը, հետևիր պահպանման պայմաններին և եղիր բարեկեցիկ։