Ուզո՞ւմ ես առավելագույն եկամուտ ստանալ հայաստանյան բանկերում ներդրված քո ավանդներից: Ճիշտ որոշում կայացնելու համար կարևոր է ուշադրություն դարձնել, թե որքան է ավանդի տարեկան տոկոսային եկամտաբերությունը:

Այն ցույց է տալիս, թե ավանդից իրականում որքան եկամուտ ես ստանալու մեկ տարվա ընթացքում՝ հաշվի առնելով բարդ տոկոսը և առկայության դեպքում՝ պարտադիր վճարները։ 

Մի քիչ մանրամասնեմ բարդ տոկոսի մասին. այն աշխատում է քո օգտին, ահա թե ինչպես. դու ստանում ես եկամուտ ոչ միայն սկզբնական գումարից, այլ նաև արդեն վաստակած տոկոսներից: Յուրաքանչյուր անգամ տոկոսն ավելանում է հիմնական գումարին՝ մեծացնելով այն, և հետագայում տոկոսը հաշվարկվում է այդ նոր, ավելի մեծ գումարի հիման վրա: Սա նշանակում է, որ ժամանակի ընթացքում քո գումարն աճում է ավելի արագ: Իզուր չէ, որ Էյնշտեյնը բարդ տոկոսն անվանել է աշխարհի ութերորդ հրաշալիքը. ով հասկանում է դրա էությունը, վաստակում է դրանով, իսկ ով ոչ՝ վճարում է:

Ի դեպ ասեմ, որ դու կարող ես մի քանի րոպեում Fininfo.am կայքի միջոցով առցանց կերպով համեմատել բոլոր բանկերի ավանդները՝ ըստ դրանց տարեկան տոկոսային եկամտաբերության:

Այնպես որ, ավանդի անվանական տոկոսադրույքի հետ մեկտեղ , ուշադրություն դարձրու՛ նաև տարեկան տոկոսային եկամտաբերությանը, որպեսզի իմանաս՝ որքա՞ն գումար ակնկալել տարվա վերջում։ 

Թո՛ղ, որ խնայողություններդ աշխատեն քեզ համար: Եղի՛ր բարեկեցիկ։