Փնտրում ես ապահով ներդրումային տարբերակ՝ կայուն եկամուտ ստանալու համա՞ր: Պարտատոմսերը կարող են քեզ համար ճիշտ ընտրություն լինել:

Պարտատոմսը կարծես «պարտքով գումար» լինի, որ դու տալիս ես պետությանը կամ ընկերությանը: Պետության դեպքում պարտատոմսը կոչվում է պետական պարտատոմս։  Քո տված պարտքի դիմաց պետությունը քեզ վճարում է պարբերական տոկոսավճարներ, որոնց անվանում ենք արժեկտրոններ, իսկ ժամկետի վերջում, իհարկե, վճարում է նաև ներդրած սկզբնական գումարը: Հայաստանի պետական պարտատոմսերի գլխավոր առավելություններից մեկն այն է, որ դրանցից ստացված տոկոսային եկամուտը չի հարկվում։ 

Պետական պարտատոմսերը թողարկվում են Հայաստանի Հանրապետության ֆինանսների նախարարության կողմից։ Դրանք համարվում են ապահով գործիքներ ու առաջարկում են ֆիքսված եկամուտ: Եթե ուզում ես համեմատել պետական պարտատոմսի առկա առաջարկները, ուրեմն այցելի՛ր fininfo.am կայք։ Ընտրելիս հաշվի ա՛ռ արժեկտրոնի եկամտաբերությունը, վճարման հաճախականությունը և մարման ժամկետը:  

Պետական պարտատոմսեր կարող ես գնել «Գանձապետական պահառու» համակարգի միջոցով՝ առցանց եղանակով՝ gp.minfin.am կայքի միջոցով: Նախ պետք է գրանցվես համակարգում, հետո կստանաս նույնականացման բանալի ու գաղտնաբառ և մուտք կգործես համակարգ: 

Պետական պարտատոմսերը կարող են լինել քո ներդրումային պորտֆելի կարևոր մասը՝ ապահովելով կայուն և կանխատեսելի եկամուտ:  

Խնայի՛ր, կատարի՛ր ներդրումներ, եղի՛ր բարեկեցիկ: