Եթե քեզ հետաքրքրում է, թե ի՞նչ կլինի կենսաթոշակային կուտակումների հետ, եթե որոշ ժամանակով մեկնես Հայաստանից կամ էլ որոշես ուրիշ տեղ ապրել: Կարճ պատասխանը՝ ոչինչ էլ չի լինի:

Դու, միևնույն է, կստանաս կուտակային կենսաթոշակդ՝ անկախ գտնվելու վայրից։

Հիմա հասկանանք՝ ինչպես։ Եթե մինչև թոշակի անցնելն ես բացահայտում աշխարհը կամ փոխում մշտական բնակության երկիրը, ապա քո կուտակային միջոցները ապահով մնում են կենսաթոշակային ֆոնդում։

Ավելին՝ գումարդ շարունակում է ներդրվել և հավելյալ եկամուտ ստեղծել քեզ համար, մինչև դու թոշակի անցնես ու դիմես այն ստանալու համար:

Իսկ եթե 63 տարին լրանալուց հետո ես որոշում տեղափոխվել, (landscape only) ապա կենսաթոշակդ ստանալու համար պետք է հետևես մի քանի պարզ քայլերի։

Ուրեմն՝ որևէ հաշվի օպերատորի միջոցով դիմում ես Հայաստանի կենտրոնական դեպոզիտարիային՝ այլ կերպ ասած՝ այն կազմակերպությանը, որը պահպանում է կուտակային կենսաթոշակային հաշիվների տվյալները։ Նաև կարող ես մտերիմ որևէ մեկին լիազորել, որ դիմի քո փոխարեն:

Եթե կենսաթոշակդ ստանում ես անուիտետի տարբերակով, այսինքն՝ մաս-մաս ամսական վճարներով, ապա կարող ես ապահովագրական ընկերությանը տրամադրել արտերկրյա բանկային հաշվիդ տվյալները, և գումարը կփոխանցվի հենց այնտեղ: Այո, այո, այդքան պարզ ու հասանելի։ Միակ բանը, որ պետք է հիշես՝ արտերկրյա փոխանցման ծախսերը քեզ վրա են:

Այնպես որ բնակության երկիր փոխելիս մի՛ անհանգստացիր կենսաթոշակիդ համար: Այն քեզ հետ է՝ ուր էլ որ գնաս:

Կուտակի՛ր կենսաթոշակիդ (all) համար, եղի՛ր բարեկեցիկ: