Մտածու՞մ ես ներդրումներ կատարելու մասին, բայց չգիտես՝ որտեղի՞ց սկսել: Արի հասկանանք:

1.Ներդրումների աշխարհ մուտք գործելու համար նախ անհրաժեշտ է կազմել բյուջե, իմանալ քո ֆինանսական մուտքներն ու ելքերը և խնայել ամսական եկամտի 20%-ը: Եթե արդեն խնայում ես, անցանք առաջ։

2.Հստակեցրու՛ նպատակդ և ռիսկի ախորժակդ:

oԵրկա՞ր թե՞ կարճ ժամկետով ես ներդնում։

oԻսկ ի՞նչ նպատակով. կրթությա՞ն, տա՞ն, թե՞ երեխաներիդ բարեկեցության համար։

oՊատրա՞ստ ես կորցնել ներդրած գումարիդ մի մասը՝ հանուն մեծ եկամտի, թե՞ նախընտրում ես կայունութունը՝ գուցե ցածր եկամտով։

Նպատակ որոշելը կօգնի հասկանալ, թե որքան գումար է անհրաժեշտ ներդնել և ինչ ժամանակահատվածով: 

Օրինակ՝ կարող ես սկսել ամսական եկամտի 10%-ը ներդնելով: Շատ կարևոր (landscape only) է, որ խնայողություններիդ մի մասով կատարես այնպիսի ներդրումներ, որոնք կարող ես շատ արագ վերածել դրամի: Ֆինանսիստներն առաջարկում են ձեռքի տակ ունենալ 3-6 ամսվա համար անհրաժեշտ գումար՝ չնախատեսված իրավիճակների համար:

0.Որոշի՛ր, թե որքան ժամանակ ես պատրաստ տրամադրել:

oԿարո՞ղ ես ինքնուրույն ուսումնասիրել, հետևել շուկային ու որոշում կայացնել, ուրեմն արժեթղթեր գնելու համար դիմի՛ր բրոքերին, այսինքն՝ ներդրումային ընկերությանը կամ բանկին, ում միջոցով էլ կկարողանաս գնել քո ընտրած արժեթղթերը:

oԵթե ժամանակդ չի ներում ինքնուրույն ուսումնասիրելու ֆինանսական աշխարհն ու հետևելու տնտեսական նորություններին, ապա դիմի՛ր ֆինանսական խորհրդատվության:

oԿարող ես նաև դիմել հավատարմագրային կառավարման, ու քո գումարը կկառավարեն քո փոխարեն: Իհարկե, նման ծառայությունը վճարովի է, չմոռանա՛ս ստուգել դա։ 

oԲայց ամեն դեպքում չմոռանա՛ս համեմատել ծառայությունների պայմանները։ 

0.Վստահի՛ր, բայց ստուգի՛ր:

Մինչ ներդրումային առաջարկից օգտվելը համոզվի՛ր, որ այն խարդախություն չէ: Անպայմա՛ն ստուգիր, թե արդյոք միջնորդ համարվող ֆինանսական կազմակերպությունը լիցենզավորված է Կենտրոնական բանկի կողմից, իսկ արժեթուղթը էլ ցուցակված է, այսինքն՝ գրանցված է Հայաստանի կամ օտարեկրյա բորսաներում:

Հիշի՛ր՝ հաջող ներդրումը տեղեկացված ներդրումն է: 

Խնայի՛ր, կատարի՛ր ներդրումներ, եղի՛ր բարեկեցիկ։