Արժեթղթեր գնելու կամ վաճառելու համար պետք է աշխատել մասնագիտացված բրոքերի, այլ կերպ ասած՝ միջնորդի հետ։ Հայաստանում որպես բրոքեր հանդես են գալիս առևտրային բանկերը և ներդրումային ընկերությունները։ Ի դեպ, մինչև նրանց հետ գործ բռնելը, անպայմա՛ն ստուգիր, որ ունենան Կենտրոնական բանկի լիցենզիան։ 

Բրոքերի ընտրության համար համեմատի՛ր սպասարկման պայմանները, այդ թվում՝ միջնորդավճարները: 

Եթե ցանկանում ես ինքնուրույն գնել արժեթղթեր, ապա ներդրումային ծառայություններ տրամադրող բանկերից որոշների մոբայլ բանկինգով կարող ես դա անել:  Անհրաժեշտ է նախ դառնալ այդ բանկի հաճախորդ, այնուհետև բացել բրոքերային հաշիվ և ներկայացնել քո կողմից ընտրված արժեթղթերի գնման դիմում-հայտ:

Պետական պարտատոմսեր կարող ես գնել «Գանձապետական պահառու» համակարգի միջոցով՝ առցանց եղանակով՝ gp.minfin.am կայքի միջոցով: Նախ պետք է գրանցվես համակարգում, հետո կստանաս նույնականացման բանալի ու գաղտնաբառ և մուտք կգործես համակարգ: 

Կարող ես գրանցվել նաև՝ առևտրային բանկերի տարածքում տեղակայված գանձապետական պահառուի սպասարկման կետեր այցելելով: Դրանց ցանկը կգտնես այս կայքում ։

Խնայի՛ր, կատարի՛ր ներդրումներ, եղի՛ր բարեկեցիկ: