Ի՞նչ ես կարծում՝ ո՞վ ավելի լավ կկառավարի քո կենսաթոշակային միջոցները. դո՞ւ, թե՞ ֆոնդի կառավարիչը: Արի հասկանանք միասին Արմենի ու Հայկի օրինակով:

Ծանոթացիր՝ Արմենն է[3] ․ նա աշխատում է Հայաստանում գործող կենսաթոշակային ֆոնդերից մեկում: Ամեն օր գալիս է աշխատանքի ու անում ամեն ինչ՝ քո կուտակային հատկացումները ապահով ու եկամտաբեր կերպով ներդնելու համար:

Արմենին այդ հարցում օգնում են նրա մասնագիտացված կրթությունը, որակավորումները և իհարկե երկար տարիների փորձը: Ներդրումներ անելիս նա օգտագործում է ֆինանսական, համակարգչային հզոր ծրագրեր, որոնց հասանելիություն Արմենին տվել է ֆոնդի կառավարիչը: Որպեսզի դու շատ գումար կուտակես ու չկորցնես, Արմենը դիվերսիֆիկացնում է քո միջոցները: Հիմա բացատրեմ. նա քո ու ուրիշների կուտակումները միասին ներդնում է տարբեր տեղերում, օրինակ՝ ավանդներում, պարտատոմսերում, հայտնի ընկերությունների՝ օրինակ՝ Apple-ի կամ Microsoft-ի բաժնետոմսերում: Տնտեսական, քաղաքական և այլ տարբեր գործոնների արդյունքում որոշ ներդրումներ շատ գումար են բերում, որոշները՝ ոչ այնքան, բայց լավն այն է, որ քո մասնաբաժինը տարբեր գործիքներում է լինում, և ռիսկը նվազում է:

Մյուսը՝ Հայկն է[4] : Նա հմուտ ատամնաբույժ է, բայց մի քիչ էլ ֆինանսներով է հետաքրքրված: Նա ամեն օր աշխատանքի գնալիս մտածում է, որ երեկոյան կզբաղվի իր խնայած գումարի ճակատագրով: Իսկ երեկոյի համար պլանները շատ են՝ ծանոթանալ ատամնաբուժական աշխարհի վերջին նորություններին, ֆինանսների դասագիրքը կարդալ, ֆինանսատնտեսական նորություններին հետևել, թե՞, վերջապես, բրոքերային հաշիվ բացել:

Ճակատամարտում հաղթում են մասնագիտական զարգացումն ու ժամանցն ընտանիքի հետ: Սակայն Հայկն իրեն չի էլ մեղադրում, քանի որ գիտի, որ Արմենն ու նրա գործընկերները պրոֆեսիոնալ կերպով կկառավարեն իր ամենից երկարաժամկետ խնայողությունները՝ կենսաթոշակային կուտակումները:

Կուտակի՛ր կենսաթոշակիդ համար, եղի՛ր բարեկեցիկ: